ವಿಶ್ವದ ಅತ್ಯುತ್ತಮ ಶಾಲೆಗಳ ಪ್ರಶಸ್ತಿ-2026 : ಅಂತಿಮ ಪಟ್ಟಿಗೆ ಭಾರತದ 7 ಶಾಲೆಗಳು ಆಯ್ಕೆ
2026ರ ವಿಶ್ವದ ಅತ್ಯುತ್ತಮ ಶಾಲೆಗಳ ಪ್ರಶಸ್ತಿ (World’s Best School Prizes 2026)ಗೆ ಭಾರತದ ಒಟ್ಟು ಏಳು ಶಾಲೆಗಳು ಅಂತಿಮ 10ರ (Top 10) ಪಟ್ಟಿಗೆ ಆಯ್ಕೆಯಾಗುವ ಮೂಲಕ ದೇಶವು ಜಾಗತಿಕ ಮಟ್ಟದಲ್ಲಿ ಅಭೂತಪೂರ್ವ ಇತಿಹಾಸ ಸೃಷ್ಟಿಸಿದೆ. ಈ ಪ್ರಶಸ್ತಿಯ 4 ವರ್ಷಗಳ ಇತಿಹಾಸದಲ್ಲೇ ಒಂದೇ ವರ್ಷದಲ್ಲಿ ಯಾವುದೇ ಒಂದು ದೇಶದಿಂದ ಇಷ್ಟೊಂದು ದೊಡ್ಡ ಸಂಖ್ಯೆಯ ಶಾಲೆಗಳು ಅಂತಿಮ ಸುತ್ತಿಗೆ ಲಗ್ಗೆ ಇಟ್ಟಿರುವುದು ಇದೇ ಮೊದಲ ಬಾರಿಯಾಗಿದೆ.
ಈ ಪ್ರಶಸ್ತಿಗಳನ್ನು T4 Education ಸಂಸ್ಥೆ ಆಯೋಜಿಸುತ್ತಿದ್ದು, ಶಿಕ್ಷಣ ಕ್ಷೇತ್ರದಲ್ಲಿ ನವೀನತೆ, ನಾಯಕತ್ವ, ಪರಿಸರ ಸಂರಕ್ಷಣೆ, ಸಮುದಾಯದೊಂದಿಗೆ ಸಹಭಾಗಿತ್ವ ಹಾಗೂ ಅತ್ಯುತ್ತಮ ಬೋಧನಾ ಪದ್ಧತಿಗಳನ್ನು ಅನುಸರಿಸುವ ಶಾಲೆಗಳನ್ನು ಗುರುತಿಸಿ ಗೌರವಿಸಲಾಗುತ್ತದೆ.
ಕೊರೊನಾ ಮಹಾಮಾರಿಯ ಬಳಿಕ ಶಿಕ್ಷಣ ಕ್ಷೇತ್ರದಲ್ಲಿ ಉತ್ತಮ ಬದಲಾವಣೆ ತರುವ ಶಾಲೆಗಳನ್ನು ಗುರುತಿಸುವ ಉದ್ದೇಶದಿಂದ ಈ ಪ್ರಶಸ್ತಿಗಳನ್ನು ಆರಂಭಿಸಲಾಗಿತ್ತು. ಕೇವಲ ಶೈಕ್ಷಣಿಕ ಫಲಿತಾಂಶವಷ್ಟೇ ಅಲ್ಲದೆ, ಸಮಾಜದ ಮೇಲೆ ಬೀರುವ ಸಕಾರಾತ್ಮಕ ಪರಿಣಾಮ, ಸಮಾನತೆ, ನಾಯಕತ್ವ ಹಾಗೂ ನವೀನ ಪ್ರಯತ್ನಗಳನ್ನೂ ಪ್ರಶಸ್ತಿಗೆ ಪರಿಗಣಿಸಲಾಗುತ್ತದೆ.
ಪ್ರಮುಖ ಅಂಶಗಳು :
✶2026ರ ವಿಶ್ವದ ಅತ್ಯುತ್ತಮ ಶಾಲೆಗಳ ಪ್ರಶಸ್ತಿಗೆ ಭಾರತದ 7 ಶಾಲೆಗಳು ಅಂತಿಮ 10ರ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.
✶ಪ್ರಶಸ್ತಿಯ ಇತಿಹಾಸದಲ್ಲಿ ಒಂದೇ ವರ್ಷದಲ್ಲಿ ಯಾವುದೇ ದೇಶದಿಂದ ಅತಿ ಹೆಚ್ಚು ಶಾಲೆಗಳು ಆಯ್ಕೆಯಾಗಿರುವುದು ಇದೇ ಮೊದಲು.
✶ಪ್ರಶಸ್ತಿಗಳನ್ನು ಯುನೈಟೆಡ್ ಕಿಂಗ್ಡಮ್ ಮೂಲದ T4 Education ಸಂಸ್ಥೆ ಆಯೋಜಿಸುತ್ತದೆ. ವಿಶ್ವದ ವಿವಿಧ ದೇಶಗಳ ಶಾಲೆಗಳು ಐದು ವಿಭಾಗಗಳಲ್ಲಿ ಸ್ಪರ್ಧಿಸುತ್ತಿವೆ.
✶ಅಂತಿಮ ವಿಜೇತರನ್ನು ಸ್ವತಂತ್ರ ತೀರ್ಪುಗಾರರ ಸಮಿತಿ ಆಯ್ಕೆ ಮಾಡಲಿದ್ದು, ಫಲಿತಾಂಶವನ್ನು ನವೆಂಬರ್ 2026ರಲ್ಲಿ ಪ್ರಕಟಿಸಲಾಗುತ್ತದೆ.
✶ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಶಾಲೆಗಳನ್ನು ಜನವರಿ 2027 ರಲ್ಲಿ ಲಂಡನ್ನಲ್ಲಿ ನಡೆಯಲಿರುವ ವಿಶ್ವ ಶಾಲಾ ಶೃಂಗಸಭೆಗೆ ಆಹ್ವಾನಿಸಲಾಗುತ್ತದೆ.
ಆಯ್ಕೆಯಾದ ಭಾರತೀಯ ಶಾಲೆಗಳು
ನವೀನತೆ (Innovation) ವಿಭಾಗದಲ್ಲಿ PCMC ಛತ್ರಪತಿ ಶಾಹೂಜಿ ಮಹಾರಾಜ್ ಇಂಗ್ಲಿಷ್ ಮೀಡಿಯಂ ಶಾಲೆ, ಕಾಸರವಾಡಿ, ಪುಣೆ, ಆರ್ಮಿ ಗುಡ್ವಿಲ್ ಶಾಲೆ, ವುಜುರ್, ಅನಂತನಾಗ್, ಜಮ್ಮು ಮತ್ತು ಕಾಶ್ಮೀರ ಶಾಲೆಗಳು. ಉಳಿದ ಐದು ಭಾರತೀಯ ಶಾಲೆಗಳು ಬೋಧನಾ ಶ್ರೇಷ್ಠತೆ, ನಾಯಕತ್ವ, ಪರಿಸರ ಸಂರಕ್ಷಣೆ ಹಾಗೂ ಸಮುದಾಯ ಸಹಭಾಗಿತ್ವ ಸೇರಿದಂತೆ ವಿವಿಧ ವಿಭಾಗಗಳಲ್ಲಿ ಅಂತಿಮ ಪಟ್ಟಿಗೆ ಆಯ್ಕೆಯಾಗಿವೆ.
| ವಿಭಾಗ (Category) | ಶಾಲೆಯ ಹೆಸರು | ನಗರ / ರಾಜ್ಯ |
| ನಾವೀನ್ಯತೆ (Innovation) | * PCMC ಛತ್ರಪತಿ ಶಾಹೂಜಿ ಮಹಾರಾಜ್ ಇಂಗ್ಲಿಷ್ ಮೀಡಿಯಂ ಶಾಲೆ * ಆರ್ಮಿ ಗುಡ್ವಿಲ್ ಶಾಲೆ (ವುಜುರ್) | ಕಾಸರವಾಡಿ (ಪುಣೆ, ಮಹಾರಾಷ್ಟ್ರ) ಅನಂತನಾಗ್ (ಜಮ್ಮು ಮತ್ತು ಕಾಶ್ಮೀರ) |
| ಸಮುದಾಯ ಸಹಭಾಗಿತ್ವ (Community Collaboration) | * ಇನ್ವೆಂಚರ್ ಅಕಾಡೆಮಿ * ಹೆಲ್ತಿ ಪ್ಲಾನೆಟ್ TGA ಅರ್ಲಿ ಇಯರ್ಸ್ ಸ್ಕೂಲ್ * ಸೇಥ್ ಎಂ.ಆರ್. ಜೈಪುರಿಯಾ ಶಾಲೆ (ವಿನೀತ್ ಖಂಡ್) | ಬೆಂಗಳೂರು (ಕರ್ನಾಟಕ) ನೋಯ್ಡಾ (ಉತ್ತರ ಪ್ರದೇಶ) ಲಕ್ನೋ (ಉತ್ತರ ಪ್ರದೇಶ) |
| ಪರಿಸರ ಕಾಳಜಿ (Environmental Action) | * ಯುರೋಸ್ಕೂಲ್ ಬನ್ನೇರುಘಟ್ಟ | ಬೆಂಗಳೂರು (ಕರ್ನಾಟಕ) |
| ಸ್ವಸ್ಥ ಜೀವನ ಶೈಲಿ (Supporting Healthy Lives) | * ಸೇಥ್ ಆನಂದ್ರಾಮ್ ಜೈಪುರಿಯಾ ಶಾಲೆ | ಲಕ್ನೋ (ಉತ್ತರ ಪ್ರದೇಶ) |
ವಿಶ್ವದ ಅತ್ಯುತ್ತಮ ಶಾಲೆಗಳ ಪ್ರಶಸ್ತಿಯ ಬಗ್ಗೆ
World’s Best School Prizes ಅನ್ನು ಕೋವಿಡ್-19 ನಂತರ ಜಾಗತಿಕ ಶಿಕ್ಷಣದಲ್ಲಿ ಪರಿವರ್ತನೆ ತರುತ್ತಿರುವ ಶಾಲೆಗಳನ್ನು ಗುರುತಿಸುವ ಉದ್ದೇಶದಿಂದ T4 Education ಆರಂಭಿಸಿತು. ಶಿಕ್ಷಣದಲ್ಲಿ ಹೊಸತನ, ಸಮಾನ ಅವಕಾಶ, ಸಾಮಾಜಿಕ ಹೊಣೆಗಾರಿಕೆ ಹಾಗೂ ಸಮುದಾಯದ ಅಭಿವೃದ್ಧಿಗೆ ನೀಡುವ ಕೊಡುಗೆಯನ್ನು ಆಧರಿಸಿ ಈ ಪ್ರಶಸ್ತಿಗಳನ್ನು ನೀಡಲಾಗುತ್ತದೆ. ಇಂದು ಇದು ವಿಶ್ವದ ಪ್ರತಿಷ್ಠಿತ ಶಾಲಾ ಶಿಕ್ಷಣ ಪ್ರಶಸ್ತಿಗಳಲ್ಲಿ ಒಂದಾಗಿದೆ.
- ವಿಶ್ವದ ಅತ್ಯುತ್ತಮ ಶಾಲೆಗಳ ಪ್ರಶಸ್ತಿ-2026 : ಅಂತಿಮ ಪಟ್ಟಿಗೆ ಭಾರತದ 7 ಶಾಲೆಗಳು ಆಯ್ಕೆ
- ಭಾರತದಲ್ಲಿ ಮೊದಲ ಬಾರಿಗೆ ಜೆಟ್ ವಿಮಾನದಲ್ಲಿ ಉಪಗ್ರಹ ಆಧಾರಿತ ಗಗನ್ (GAGAN) ಲ್ಯಾಂಡಿಂಗ್ ಯಶಸ್ವಿ
- ಇಸ್ರೋ ಮತ್ತೊಂದು ಮಹತ್ವದ ಹೆಜ್ಜೆ : ಸೆಮಿ-ಕ್ರಯೋಜೆನಿಕ್ ರಾಕೆಟ್ ಎಂಜಿನ್ ಯಶಸ್ವಿ ಪರೀಕ್ಷೆ
- ಪ್ರಚಲಿತ ಘಟನೆಗಳ ಕ್ವಿಜ್ (27-06-2026)
- ಪ್ರಚಲಿತ ಘಟನೆಗಳ ಕ್ವಿಜ್ (26-06-2026)
