ಅಸ್ಸಾಂ ವಿಧಾನಸಭೆಯಲ್ಲಿ ಏಕರೂಪ ನಾಗರಿಕ ಸಂಹಿತೆ (Uniform Civil Code) ಮಸೂದೆ ಅಂಗೀಕಾರ

May 27, 2026

Share With Friends

ಅಸ್ಸಾಂ ವಿಧಾನಸಭೆಯು 2026ರ ಮೇ 27ರಂದು ಏಕರೂಪ ನಾಗರಿಕ ಸಂಹಿತೆ (Uniform Civil Code – UCC) ಮಸೂದೆಯನ್ನು ಧ್ವನಿಮತದ ಮೂಲಕ ಅಂಗೀಕರಿಸಿದೆ. ಈ ಮಸೂದೆಯನ್ನು ಮೇ 25ರಂದು ವಿಧಾನಸಭೆಯಲ್ಲಿ ಮಂಡಿಸಲಾಗಿದ್ದು, ಮುಖ್ಯಮಂತ್ರಿ Himanta Biswa Sarma ಅವರ ಪರವಾಗಿ ಸಂಸದೀಯ ವ್ಯವಹಾರಗಳ ಸಚಿವ Atul Bora ಮಂಡಿಸಿದರು.

ಸುಮಾರು ಐದು ಗಂಟೆಗಳ ಚರ್ಚೆಯ ಬಳಿಕ ಮಸೂದೆಗೆ ವಿಧಾನಸಭೆಯ ಒಪ್ಪಿಗೆ ದೊರೆತಿದೆ. ಇದರಿಂದ ಅಸ್ಸಾಂ, ಉತ್ತರಾಖಂಡ ಮತ್ತು ಗುಜರಾತ್ ನಂತರ UCC ಮಸೂದೆ ಅಂಗೀಕರಿಸಿದ ಮೂರನೇ ರಾಜ್ಯವಾಗಿದೆ.

ಈ ಮಸೂದೆ ಜಾರಿಯಾದ ಬಳಿಕ 2024ರ Assam Compulsory Registration of Muslim Marriages and Divorces Act ಅನ್ನು ರದ್ದುಗೊಳಿಸುವ ಪ್ರಸ್ತಾವವಿದೆ. ಈ ಮೂಲಕ ಅಸ್ಸಾಂ, UCC ಮಸೂದೆ ಅಂಗೀಕರಿಸಿದ ಭಾರತದ ಮೂರನೇ ರಾಜ್ಯವಾಗಿದ್ದು, ಈ ಹಿಂದೆ Uttarakhand ಮತ್ತು Gujarat ರಾಜ್ಯಗಳು ಇದೇ ರೀತಿಯ ಕಾನೂನು ಜಾರಿಗೆ ತಂದಿದ್ದವು. ಅಲ್ಲದೆ, UCC ಮಸೂದೆ ಅಂಗೀಕರಿಸಿದ ಈಶಾನ್ಯ ಭಾರತದ ಮೊದಲ ರಾಜ್ಯ ಎಂಬ ಹೆಗ್ಗಳಿಕೆಗೆ ಅಸ್ಸಾಂ ಪಾತ್ರವಾಗಿದೆ.

ಏಕರೂಪ ನಾಗರಿಕ ಸಂಹಿತೆ (UCC) ಎಂದರೇನು?
ಏಕರೂಪ ನಾಗರಿಕ ಸಂಹಿತೆ ಎಂದರೆ ವಿವಾಹ, ವಿಚ್ಛೇದನ, ಉತ್ತರಾಧಿಕಾರ ಹಾಗೂ ಕುಟುಂಬ ಸಂಬಂಧಿತ ವಿಷಯಗಳಿಗೆ ಎಲ್ಲಾ ನಾಗರಿಕರಿಗೂ ಒಂದೇ ರೀತಿಯ ನಾಗರಿಕ ಕಾನೂನುಗಳನ್ನು ಅನ್ವಯಿಸುವ ವ್ಯವಸ್ಥೆ. ಭಾರತದ ಸಂವಿಧಾನದ Article 44 of the Constitution of India ರಲ್ಲಿ UCC ಅನ್ನು ರಾಜ್ಯದ ನಿರ್ದೇಶಕ ತತ್ವಗಳ (Directive Principles of State Policy) ಭಾಗವಾಗಿ ಉಲ್ಲೇಖಿಸಲಾಗಿದೆ.

ಅಸ್ಸಾಂ UCC ಮಸೂದೆಯಲ್ಲೇನಿದೆ..?
✶ ಬಹುಪತ್ನಿತ್ವಕ್ಕೆ ನಿಷೇಧ: ರಾಜ್ಯದಲ್ಲಿ ಬಹುಪತ್ನಿತ್ವ (Polygamy) ಪದ್ಧತಿಯನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.
✶ಕಡ್ಡಾಯ ನೋಂದಣಿ: ಎಲ್ಲಾ ವಿವಾಹಗಳು ಮತ್ತು ವಿಚ್ಛೇದನಗಳ ನೋಂದಣಿಯನ್ನು ಕಡ್ಡಾಯಗೊಳಿಸಲಾಗಿದೆ.
✶ಲಿವ್-ಇನ್ ಸಂಬಂಧಗಳ ನಿಯಮ: ಲಿವ್-ಇನ್ (Live-in) ಸಂಬಂಧದಲ್ಲಿರುವವರು ತಾವು ಜೊತೆಯಾಗಿ ವಾಸಿಸಲು ಆರಂಭಿಸಿದ ಒಂದು ತಿಂಗಳೊಳಗಾಗಿ ಕಡ್ಡಾಯವಾಗಿ ನೋಂದಣಿ ಮಾಡಿಕೊಳ್ಳಬೇಕು.
✶ಪರಿಶಿಷ್ಟ ಪಂಗಡಗಳಿಗೆ ವಿನಾಯಿತಿ: ಅಸ್ಸಾಂನಲ್ಲಿ ವಾಸಿಸುವ ಪರಿಶಿಷ್ಟ ಪಂಗಡಗಳ (Scheduled Tribes) ಸಾಂಪ್ರದಾಯಿಕ ಹಕ್ಕುಗಳನ್ನು ರಕ್ಷಿಸುವ ನಿಟ್ಟಿನಲ್ಲಿ ಅವರನ್ನು ಈ ಕಾನೂನಿನ ವ್ಯಾಪ್ತಿಯಿಂದ ಹೊರಗಿಡಲಾಗಿದೆ.
✶ಹಳೆಯ ವಿವಾಹಗಳಿಗೆ ರಕ್ಷಣೆ: ಈ ಕಾನೂನು ಜಾರಿಗೆ ಬರುವ ಮುನ್ನ ನಡೆದ ಬಹುಪತ್ನಿತ್ವ ವಿವಾಹಗಳಿಗೆ ರಕ್ಷಣೆ ನೀಡಲು ವಿಶೇಷ ರಕ್ಷಣಾತ್ಮಕ ನಿಯಮವನ್ನು (Savings Clause) ಸೇರಿಸಲಾಗಿದೆ.

ಇದನ್ನೂ ಓದಿ : ಭಾರತದ ಸಂವಿಧಾನ : ಭಾಗಗಳು, ಅನುಸೂಚಿಗಳು ಮತ್ತು ಮೂಲಗಳು

ಸಂವಿಧಾನದ ಹಿನ್ನೆಲೆ:
ಭಾರತದ ಸಂವಿಧಾನದ 44ನೇ ವಿಧಿ (Article 44) ಯು ಏಕರೂಪ ನಾಗರಿಕ ಸಂಹಿತೆಯನ್ನು ಜಾರಿಗೆ ತರುವುದನ್ನು ರಾಜ್ಯ ನಿರ್ದೇಶಕ ತತ್ವಗಳ (Directive Principles of State Policy) ಭಾಗವಾಗಿ ಉಲ್ಲೇಖಿಸುತ್ತದೆ.

ಭಾರತದ ಸಂವಿಧಾನದ Article 44 of the Constitution of Indiaರಲ್ಲಿ ಏಕರೂಪ ನಾಗರಿಕ ಸಂಹಿತೆ ಕುರಿತು ಉಲ್ಲೇಖವಿದೆ. ಇದು ರಾಜ್ಯದ ನಿರ್ದೇಶಕ ತತ್ವಗಳ (Directive Principles of State Policy) ಭಾಗವಾಗಿದ್ದು, ದೇಶದಾದ್ಯಂತ ನಾಗರಿಕರಿಗೆ ಸಮಾನ ನಾಗರಿಕ ಸಂಹಿತೆಯನ್ನು ಜಾರಿಗೆ ತರಲು ರಾಜ್ಯವು ಪ್ರಯತ್ನಿಸಬೇಕು ಎಂದು ಹೇಳುತ್ತದೆ.

ಸಂವಿಧಾನ ರಚನಾ ಸಭೆಯಲ್ಲಿ ಈ ವಿಷಯದ ಬಗ್ಗೆ ವ್ಯಾಪಕ ಚರ್ಚೆ ನಡೆದಿತ್ತು. ಆದರೆ ದೇಶದ ಧಾರ್ಮಿಕ ಮತ್ತು ಸಾಂಸ್ಕೃತಿಕ ವೈವಿಧ್ಯತೆಯನ್ನು ಪರಿಗಣಿಸಿ, UCC ಅನ್ನು ಮೂಲಭೂತ ಹಕ್ಕಾಗಿ ಸೇರಿಸದೆ ನಿರ್ದೇಶಕ ತತ್ವಗಳ ಅಡಿಯಲ್ಲಿ ಸೇರಿಸಲಾಯಿತು.

ಕಳೆದ ಹಲವು ದಶಕಗಳಿಂದ UCC ಕುರಿತು ದೇಶದಲ್ಲಿ ಚರ್ಚೆ ನಡೆಯುತ್ತಲೇ ಬಂದಿದೆ. ಮಹಿಳೆಯರ ಹಕ್ಕುಗಳ ರಕ್ಷಣೆ, ಲಿಂಗ ಸಮಾನತೆ ಮತ್ತು ಕಾನೂನಿನ ಮುಂದೆ ಎಲ್ಲರಿಗೂ ಸಮಾನತೆ ಕಲ್ಪಿಸಲು UCC ಅಗತ್ಯ ಎಂದು ಬೆಂಬಲಿಗರು ವಾದಿಸುತ್ತಾರೆ. ಮತ್ತೊಂದೆಡೆ, ವಿವಿಧ ಧಾರ್ಮಿಕ ಸಮುದಾಯಗಳ ವೈಯಕ್ತಿಕ ಕಾನೂನುಗಳ ಮೇಲಿನ ಹಕ್ಕುಗಳಿಗೆ ಧಕ್ಕೆಯಾಗಬಹುದು ಎಂದು ವಿರೋಧಿಗಳು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.