7 ಮಂದಿಯನ್ನು 8 ಬಾರಿ ಮದುವೆಯಾಗಿದ್ದ ಈ ನಟಿ ಬಗ್ಗೆ ಗೊತ್ತೇ..?
ಜಗತ್ತಿನ ಚಲನಚಿತ್ರ ಇತಿಹಾಸದಲ್ಲಿ ಅಪಾರ ಖ್ಯಾತಿ ಗಳಿಸಿದ ಹಾಲಿವುಡ್ ನಟಿ Elizabeth Taylor ಅವರು 1950 ಮತ್ತು 1960ರ ದಶಕಗಳಲ್ಲಿ ತಮ್ಮ ಅದ್ಭುತ ಅಭಿನಯ ಹಾಗೂ ಅಪರೂಪದ ಸೌಂದರ್ಯದಿಂದ ಪ್ರೇಕ್ಷಕರ ಮನಸೆಳೆದಿದ್ದರು. ಅತಿ ಹೆಚ್ಚು ಸಂಭಾವನೆ ಪಡೆದ ನಟಿಯರ ಪೈಕಿ ಒಬ್ಬರಾಗಿದ್ದ ಅವರು, ತಮ್ಮ ವೈಯಕ್ತಿಕ ಜೀವನದ ಕಾರಣಕ್ಕೂ ಸಾಕಷ್ಟು ಸುದ್ದಿಯಾಗಿದ್ದರು. ಎಂಟು ಬಾರಿ ವಿವಾಹವಾದರೂ, ವೈವಾಹಿಕ ಜೀವನದ ಬಗ್ಗೆ ಅವರು ಎಂದಿಗೂ ಕಟುವಾಗಿ ಮಾತನಾಡಿರಲಿಲ್ಲ. “ನಾನು ಪತಿವ್ರತೆ, ಆದರೆ ಮದುವೆಯಾಗುವುದಕ್ಕೂ ಬದ್ಧಳಾಗಿದ್ದೇನೆ” ಎಂಬ ಅವರ ಮಾತುಗಳು ಬಹಳ ಪ್ರಸಿದ್ಧವಾಗಿದ್ದವು.
ಎಲಿಜಬೆತ್ ಟೇಲರ್ ಒಟ್ಟು ಏಳು ಮಂದಿಯನ್ನು ಎಂಟು ಬಾರಿ ವಿವಾಹವಾಗಿದ್ದರು. ವಿಶೇಷವಾಗಿ ನಟ Richard Burton ಅವರನ್ನು ಎರಡು ಬಾರಿ ಮದುವೆಯಾಗಿದ್ದು ಗಮನಾರ್ಹ. ತಮ್ಮ ಅಪೂರ್ವ ಸೌಂದರ್ಯ ಮತ್ತು ಆಕರ್ಷಕ ವ್ಯಕ್ತಿತ್ವದಿಂದ ಅವರು “ಶ್ವೇತ ವಜ್ರ” ಎಂದು ಕರೆಯಲ್ಪಡುತ್ತಿದ್ದರು.
ಲಿಜ್ ಟೇಲರ್ ಅವರಿಗೆ ಎರಡು ಬಾರಿ ಆಸ್ಕರ್ ಪ್ರಶಸ್ತಿ ಲಭಿಸಿತ್ತು. ಇದಕ್ಕೂ ಮುನ್ನ ನಾಲ್ಕು ಬಾರಿ ಅವರು ಆಸ್ಕರ್ಗೆ ನಾಮನಿರ್ದೇಶಿತರಾಗಿದ್ದರು. 1960ರಲ್ಲಿ BUtterfield 8 ಹಾಗೂ 1966ರಲ್ಲಿ Who’s Afraid of Virginia Woolf? ಚಿತ್ರಗಳ ಅಭಿನಯಕ್ಕಾಗಿ ಅವರು ಆಸ್ಕರ್ ಪ್ರಶಸ್ತಿ ಪಡೆದರು. “Who’s Afraid of Virginia Woolf?” ಚಿತ್ರದಲ್ಲಿ ರಿಚರ್ಡ್ ಬರ್ಟನ್ ಅವರೊಂದಿಗೆ ಜಗಳಗಂಟಿ ಪತ್ನಿಯ ಪಾತ್ರದಲ್ಲಿ ನಟಿಸಿದ್ದರು. ಆದರೆ ನಿಜ ಜೀವನದಲ್ಲಿ ಅವರು ಅಷ್ಟು ಜಗಳಗಂಟಿಯಾಗಿರಲಿಲ್ಲ ಎಂಬುದು ವಿಶೇಷ.
Giant, Raintree County ಹಾಗೂ Cat on a Hot Tin Roof ಸಿನಿಮಾಗಳು ಎಲಿಜಬೆತ್ ಅವರನ್ನು ವಿಶ್ವಪ್ರಸಿದ್ಧ ನಟಿಯನ್ನಾಗಿ ರೂಪಿಸಿವೆ. ಈ ಚಿತ್ರಗಳ ಮೂಲಕ ಅವರು “ಸೆಕ್ಸಿ ನಟಿ” ಎಂಬ ಹೆಸರನ್ನೂ ಗಳಿಸಿದರು.
ಚಿತ್ರರಂಗದ ಹೊರತಾಗಿಯೂ, ಎಲಿಜಬೆತ್ ಟೇಲರ್ ಸಮಾಜಸೇವೆಯಲ್ಲೂ ಹೆಸರುವಾಸಿಯಾಗಿದ್ದರು. ವಿಶೇಷವಾಗಿ ಏಡ್ಸ್ ಜಾಗೃತಿ ಮತ್ತು ನೆರವು ಕಾರ್ಯಗಳಲ್ಲಿ ಅವರು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು. ತಮ್ಮ ಸ್ನೇಹಿತ ನಟ Rock Hudson ಅವರ ನಿಧನದ ನಂತರ ಅವರು AIDS ಪ್ರತಿಷ್ಠಾನವನ್ನು ಸ್ಥಾಪಿಸಿದ್ದರು. ಚಿತ್ರರಂಗದಿಂದ ಎಷ್ಟು ಹೆಸರು ಮತ್ತು ಸಂಪತ್ತು ಗಳಿಸಿದ್ದರೋ, ಅಷ್ಟೇ ಮಾನವೀಯ ಸೇವೆಯಿಂದಲೂ ಗೌರವ ಗಳಿಸಿದ್ದರು ಎಂದು ಅನೇಕ ಮಾಧ್ಯಮಗಳು ಪ್ರಶಂಸಿಸಿವೆ.
ವೈಯಕ್ತಿಕ ಜೀವನ :
⭑ಎಲಿಜಬೆತ್ ಟೇಲರ್ ಅವರು 1932ರ ಫೆಬ್ರವರಿ 27ರಂದು London ನಲ್ಲಿ ಜನಿಸಿದರು.
⭑ಶ್ರೀಮಂತ ಕುಟುಂಬದಲ್ಲಿ ಜನಿಸಿದ ಅವರು, ಖ್ಯಾತ ನಟಿಯ ಮಗಳಾಗಿದ್ದರು.
⭑ದ್ವಿತೀಯ ಮಹಾಯುದ್ಧ ಆರಂಭವಾದ ಬಳಿಕ ಅವರ ಕುಟುಂಬ ಅಮೆರಿಕದ Los Angeles ನಲ್ಲಿ ನೆಲೆಸಿತು.
⭑ಬಾಲ್ಯದಲ್ಲೇ ಅವರ ಸೌಂದರ್ಯ ಎಲ್ಲರ ಗಮನ ಸೆಳೆದಿತ್ತು. ಅವರ ತಂದೆ ಒಪ್ಪಿದ್ದರೆ Gone with the Wind ಸಿನಿಮಾದಲ್ಲಿಯೂ ಅವರು ನಟಿಸಬಹುದಾಗಿತ್ತು ಎನ್ನಲಾಗುತ್ತದೆ.
⭑1942ರಲ್ಲಿ Universal Pictures ನಿರ್ಮಿಸಿದ There’s One Born Every Minute ಚಿತ್ರದ ಮೂಲಕ ಅವರು ಚಿತ್ರರಂಗ ಪ್ರವೇಶಿಸಿದರು. ಆಗ ಅವರಿಗೆ ಕೇವಲ 12 ವರ್ಷ ವಯಸ್ಸು.
⭑ನಂತರ Metro-Goldwyn-Mayer ನಿರ್ಮಿಸಿದ Lassie Come Home ಚಿತ್ರದಲ್ಲಿ ನಟಿಸಿದರು.
⭑1950ರಲ್ಲಿ ಬಿಡುಗಡೆಯಾದ Father of the Bride ಸಿನಿಮಾ ಭಾರೀ ಯಶಸ್ಸು ಕಂಡಿತು. ಬಳಿಕ ಅವರು ನಿಕ್ಕಿ ಹಿಲ್ಟನ್ ಜೂನಿಯರ್ ಅವರನ್ನು ವಿವಾಹವಾದರು.
⭑ಮೊದಲ ವಿವಾಹ ಕೇವಲ ಎಂಟು ತಿಂಗಳಲ್ಲಿ ಮುರಿದುಬಿತ್ತು.
⭑1952ರಲ್ಲಿ ತಮ್ಮಿಗಿಂತ 20 ವರ್ಷ ಹಿರಿಯರಾದ ನಟ Michael Wilding ಅವರನ್ನು ಮದುವೆಯಾಗಿದ್ದು, ಐದು ವರ್ಷಗಳ ಕಾಲ ಅವರ ⭑ದಾಂಪತ್ಯ ಜೀವನ ಮುಂದುವರಿಯಿತು. ಅವರಿಗೆ ಇಬ್ಬರು ಮಕ್ಕಳು ಜನಿಸಿದರು.
⭑ನಂತರ ನಿರ್ಮಾಪಕ Mike Todd ಅವರನ್ನು ಮದುವೆಯಾಗಿದರು. ಆದರೆ ಟೋಡ್ ವಿಮಾನ ಅಪಘಾತದಲ್ಲಿ ಮೃತಪಟ್ಟರು.
⭑ಟೋಡ್ ನಿಧನದ ಬಳಿಕ ಅವರ ಸ್ನೇಹಿತ Eddie Fisher ಅವರನ್ನು ವಿವಾಹವಾದರು. ಆ ಕಾಲದಲ್ಲಿ ಇವರಿಬ್ಬರ ಸಂಬಂಧ ಅಮೆರಿಕಾದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿತ್ತು.
⭑ಒಟ್ಟು ಏಳು ಮಂದಿಯನ್ನು ಎಂಟು ಬಾರಿ ವಿವಾಹವಾಗಿದ್ದ ಎಲಿಜಬೆತ್ ಟೇಲರ್, ರಿಚರ್ಡ್ ಬರ್ಟನ್ ಅವರನ್ನು ಎರಡು ಬಾರಿ ಮದುವೆಯಾಗಿದ್ದು ಅವರ ವೈಯಕ್ತಿಕ ಜೀವನದ ವಿಶೇಷ ಅಂಶವಾಗಿದೆ.
