ಮೇ.25 : ವಿಶ್ವ ಫುಟ್ಬಾಲ್ ದಿನ (World Football Day)
ಫುಟ್ಬಾಲ್ ಕ್ರೀಡೆ ಮತ್ತು ರಾಷ್ಟ್ರಗಳ ನಡುವೆ ಏಕತೆ, ಶಾಂತಿ ಮತ್ತು ಅಂತರರಾಷ್ಟ್ರೀಯ ಸಹಕಾರವನ್ನು ಉತ್ತೇಜಿಸುವಲ್ಲಿ ಅದರ ಪಾತ್ರವನ್ನು ಆಚರಿಸಲು ಮೇ 25 ರಂದು ಜಾಗತಿಕವಾಗಿ ವಿಶ್ವ ಫುಟ್ಬಾಲ್ ದಿನವನ್ನು ಆಚರಿಸಲಾಗುತ್ತದೆ. 2024ರಲ್ಲಿ ವಿಶ್ವಸಂಸ್ಥೆಯು 1924ರ ಪ್ಯಾರಿಸ್ ಒಲಿಂಪಿಕ್ಸ್ ಫುಟ್ಬಾಲ್ ಟೂರ್ನಿಯ ಶತಮಾನೋತ್ಸವದ ಸ್ಮರಣಾರ್ಥ ಮೇ 25 ಅನ್ನು ವಿಶ್ವ ಫುಟ್ಬಾಲ್ ದಿನವಾಗಿ ಘೋಷಿಸಿತು.
➧ ವಿಶ್ವ ಫುಟ್ಬಾಲ್ ದಿನ ಹಿನ್ನೆಲೆ ಏನು..?
ವಿಶ್ವ ಫುಟ್ಬಾಲ್ ದಿನದ ಆಚರಣೆಯು ಇತ್ತೀಚಿನದ್ದಾಗಿದ್ದರೂ, ಇದರ ಹಿನ್ನೆಲೆ ಫುಟ್ಬಾಲ್ ಕ್ರೀಡೆಯ ಶತಮಾನಗಳ ಇತಿಹಾಸದೊಂದಿಗೆ ಸಂಬಂಧ ಹೊಂದಿದೆ.
1924ರ ಮೇ 25ರಂದು, ಪ್ಯಾರಿಸ್ನಲ್ಲಿ ನಡೆದ 1924 Summer Olympics Football Tournament ನಲ್ಲಿ ವಿಶ್ವದ ವಿವಿಧ ಖಂಡಗಳ ತಂಡಗಳು ಭಾಗವಹಿಸಿದ ಮಹತ್ವದ ಅಂತರರಾಷ್ಟ್ರೀಯ ಫುಟ್ಬಾಲ್ ಸ್ಪರ್ಧೆ ಆರಂಭವಾಯಿತು. ಈ ಪಂದ್ಯಾವಳಿಯು ಫುಟ್ಬಾಲ್ ಅನ್ನು ಜಾಗತಿಕ ಕ್ರೀಡೆಯಾಗಿ ಬೆಳೆಸುವಲ್ಲಿ ಪ್ರಮುಖ ಪಾತ್ರ ವಹಿಸಿತು.
ಇದನ್ನೂ ಓದಿ : ಮೇ ತಿಂಗಳ ಪ್ರಮುಖ ದಿನಗಳು / Important days in May
1924ರ ಈ ಐತಿಹಾಸಿಕ ಘಟನೆಯ 100ನೇ ವರ್ಷಾಚರಣೆಯ ಅಂಗವಾಗಿ, 2024ರಲ್ಲಿ United Nations General Assembly ರೆಸಲ್ಯೂಶನ್ A/RES/78/281 ಮೂಲಕ ಮೇ 25 ಅನ್ನು ವಿಶ್ವ ಫುಟ್ಬಾಲ್ ದಿನ (World Football Day) ಎಂದು ಘೋಷಿಸಿತು.
ಈ ಪ್ರಸ್ತಾವನೆಯನ್ನು ಲಿಬಿಯಾ ದೇಶದ ವಿಶ್ವಸಂಸ್ಥೆಯ ರಾಯಭಾರಿಯಾದ ತಾಹರ್ ಎಲ್-ಸೋನಿ ಅವರು ಮಂಡಿಸಿದ್ದರು. ಇದಕ್ಕೆ 160 ಕ್ಕೂ ಹೆಚ್ಚು ದೇಶಗಳು ಬೆಂಬಲ ಸೂಚಿಸಿದ್ದವು.
ಈ ಘೋಷಣೆಯ ಉದ್ದೇಶ ಫುಟ್ಬಾಲ್ ಕ್ರೀಡೆಯು ವಿಶ್ವದ ಜನರನ್ನು ಒಗ್ಗೂಡಿಸುವ ಶಕ್ತಿ, ಶಾಂತಿ, ಸಹಕಾರ, ಸಮಾನತೆ ಮತ್ತು ಸಾಮಾಜಿಕ ಅಭಿವೃದ್ಧಿಗೆ ನೀಡಿರುವ ಕೊಡುಗೆಯನ್ನು ಗೌರವಿಸುವುದಾಗಿದೆ.
➧ ಫುಟ್ಬಾಲ್ನ ಜಾಗತಿಕ ಪ್ರಭಾವ :
*ಫುಟ್ಬಾಲ್ ವಿಶ್ವದ ಅತ್ಯಂತ ಜನಪ್ರಿಯ ಕ್ರೀಡೆಯಾಗಿದೆ.
*200 ಕ್ಕೂ ಹೆಚ್ಚು ದೇಶಗಳಲ್ಲಿ ಈ ಕ್ರೀಡೆಯನ್ನು ಆಡಲಾಗುತ್ತದೆ.
*ಭಾಷೆ, ಧರ್ಮ, ಸಂಸ್ಕೃತಿ ಹಾಗೂ ರಾಷ್ಟ್ರೀಯ ಗಡಿಗಳನ್ನು ಮೀರಿ ಜನರನ್ನು ಒಗ್ಗೂಡಿಸುವ ಸಾಮರ್ಥ್ಯ ಫುಟ್ಬಾಲ್ಗೆ ಇದೆ.
*ಯುವಜನರಲ್ಲಿ ಆರೋಗ್ಯ, ತಂಡದ ಮನೋಭಾವ ಮತ್ತು ನಾಯಕತ್ವ ಗುಣಗಳನ್ನು ಬೆಳೆಸಲು ಫುಟ್ಬಾಲ್ ನೆರವಾಗುತ್ತದೆ.
