ಮೇ.8 : ವಿಶ್ವ ರೆಡ್ ಕ್ರಾಸ್ ಮತ್ತು ರೆಡ್ ಕ್ರೆಸೆಂಟ್ ದಿನ (World Red Cross and Red Crescent Day)

May 11, 2026

Share With Friends

ವಿಶ್ವಾದ್ಯಂತ ರೆಡ್ ಕ್ರಾಸ್ ಮತ್ತು ರೆಡ್ ಕ್ರೆಸೆಂಟ್ ಸ್ವಯಂಸೇವಕರ ಮಾನವೀಯ ಪ್ರಯತ್ನಗಳನ್ನು ಗೌರವಿಸಲು ಪ್ರತಿ ವರ್ಷ ಮೇ 8 ರಂದು ವಿಶ್ವ ರೆಡ್ ಕ್ರಾಸ್ ಮತ್ತು ರೆಡ್ ಕ್ರೆಸೆಂಟ್ ದಿನವನ್ನು ಆಚರಿಸಲಾಗುತ್ತದೆ. ಈ ದಿನವು ಅಂತರರಾಷ್ಟ್ರೀಯ ರೆಡ್ ಕ್ರಾಸ್ ಸಮಿತಿ (International Federation of Red Cross and Red Crescent Societies -IFRC)) ಯನ್ನು ಸ್ಥಾಪಿಸಿದ ಮತ್ತು ಮೊದಲ ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತ ಹೆನ್ರಿ ಡ್ಯೂನಾಂಟ್ (Henry Dunant ) ಅವರ ಜನ್ಮ ವಾರ್ಷಿಕೋತ್ಸವವನ್ನು ಸೂಚಿಸುತ್ತದೆ.

ವಿಶ್ವ ರೆಡ್ ಕ್ರಾಸ್ ದಿನವು ಮಾನವೀಯತೆ, ಸಹಾನುಭೂತಿ, ಸ್ವಯಂಸೇವೆ ಮತ್ತು ವಿಪತ್ತುಗಳು, ಸಂಘರ್ಷಗಳು ಮತ್ತು ಆರೋಗ್ಯ ತುರ್ತು ಪರಿಸ್ಥಿತಿಗಳಿಂದ ಪೀಡಿತ ಜನರಿಗೆ ಬೆಂಬಲ ನೀಡುವ ಮೌಲ್ಯಗಳನ್ನು ಉತ್ತೇಜಿಸುತ್ತದೆ.

ಈ ಸಂಸ್ಥೆಯು ಕೇವಲ ಯುದ್ಧದ ಸಮಯದಲ್ಲಿ ಮಾತ್ರವಲ್ಲದೆ, ಕೋವಿಡ್-19 ನಂತಹ ಜಾಗತಿಕ ಆರೋಗ್ಯ ತುರ್ತು ಸಂದರ್ಭಗಳಲ್ಲೂ ಮುಂಚೂಣಿಯಲ್ಲಿ ನಿಂತು ಸೇವೆ ಸಲ್ಲಿಸಿದೆ.

ಥೀಮ್ 2026 – ಮಾನವೀಯತೆಯನ್ನು ಜೀವಂತವಾಗಿರಿಸುವುದು (Keeping Humanity Alive)

ಉದ್ದೇಶಗಳು :
*ಮಾನವೀಯತೆ: ಯುದ್ಧ, ಪ್ರಾಕೃತಿಕ ವಿಕೋಪ ಮತ್ತು ರೋಗರುಜಿನಗಳ ಸಮಯದಲ್ಲಿ ಜನರ ಜೀವ ಉಳಿಸುವುದು.
*ಸ್ವಯಂಸೇವೆ: ಜಗತ್ತಿನಾದ್ಯಂತ ಕೋಟ್ಯಂತರ ಸ್ವಯಂಸೇವಕರ ಸೇವೆಯನ್ನು ಗುರುತಿಸುವುದು ಮತ್ತು ಗೌರವಿಸುವುದು.
*ಜಾಗೃತಿ: ರಕ್ತದಾನ, ಪ್ರಥಮ ಚಿಕಿತ್ಸೆ ಮತ್ತು ತುರ್ತು ಪರಿಸ್ಥಿತಿಯ ಸಂದರ್ಭಗಳಲ್ಲಿ ಸಾರ್ವಜನಿಕರಲ್ಲಿ ಅರಿವು ಮೂಡಿಸುವುದು.

ರೆಡ್ ಕ್ರಾಸ್ ಸಂಸ್ಥೆಯ 7 ಮೂಲ ತತ್ವಗಳು :
ಈ ಸಂಸ್ಥೆಯು ಏಳು ಪ್ರಮುಖ ತತ್ವಗಳ ಮೇಲೆ ಕಾರ್ಯನಿರ್ವಹಿಸುತ್ತದೆ:
ಮಾನವೀಯತೆ (Humanity)
ನಿಷ್ಪಕ್ಷಪಾತ (Impartiality)
ತಟಸ್ಥತೆ (Neutrality)
ಸ್ವಾತಂತ್ರ್ಯ (Independence)
ಸ್ವಯಂಪ್ರೇರಿತ ಸೇವೆ (Voluntary Service)
ಏಕತೆ (Unity)
ಸಾರ್ವತ್ರಿಕತೆ (Universality)