ಭಾರತದ ಪರಮಾಣು ಶಕ್ತಿ ಮತ್ತಷ್ಟು ಬಲಿಷ್ಠ : ಅಣ್ವಸ್ತ್ರ ಸಂಗ್ರಹ 190ಕ್ಕೆ ಏರಿಕೆ

ಜಾಗತಿಕ ಶಸ್ತ್ರಾಸ್ತ್ರ ನಿಯಂತ್ರಣ ಮತ್ತು ಭದ್ರತಾ ಅಧ್ಯಯನ ಸಂಸ್ಥೆಯಾದ Stockholm International Peace Research Institute (SIPRI) ಬಿಡುಗಡೆ ಮಾಡಿದ ವರದಿ ಪ್ರಕಾರ, 2026ರ ಜನವರಿ ವೇಳೆಗೆ ಭಾರತದ ಅಣ್ವಸ್ತ್ರ ಸಂಗ್ರಹವು ಸುಮಾರು 190 ಅಣು ವಾರ್‌ಹೆಡ್‌ಗಳಿಗೆ ತಲುಪಿದೆ. ಈ ಅಂದಾಜಿನೊಂದಿಗೆ ಭಾರತವು ಜಗತ್ತಿನ ಒಂಬತ್ತು ಅಣ್ವಸ್ತ್ರ ರಾಷ್ಟ್ರಗಳ ಪೈಕಿ ಒಂದಾಗಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿದೆ.

2025 ರ ಅವಧಿಯಲ್ಲಿ ಜಾಗತಿಕ ಮಿಲಿಟರಿ ವೆಚ್ಚ, ಶಸ್ತ್ರಾಸ್ತ್ರ ವರ್ಗಾವಣೆ, ಪರಮಾಣು ಪಡೆಗಳು ಮತ್ತು ಪ್ರಮುಖ ಭದ್ರತಾ ಬೆಳವಣಿಗೆಗಳನ್ನು ಒಳಗೊಂಡಿರುವ ವಾರ್ಷಿಕ ಪುಸ್ತಕವು, ಪಾಕಿಸ್ತಾನದ 170 ವಾರ್ಹೆಡ್‌ಗಳಿಗೆ ಹೋಲಿಸಿದರೆ ಭಾರತದ ಪರಮಾಣು ಶಸ್ತ್ರಾಗಾರವು 190 ವಾರ್ಹೆಡ್‌ಗಳನ್ನು ತಲುಪಿದೆ ಎಂದು ಅಂದಾಜಿಸಿದೆ. ಭಾರತವು ಈಗ ಪಾಕಿಸ್ತಾನಕ್ಕಿಂತ ಸುಮಾರು 20 ಹೆಚ್ಚು ಪರಮಾಣು ಸಿಡಿತಲೆಗಳ ಹೊಂದಿದೆ.

ರಕ್ಷಣಾ ವೆಚ್ಚದಲ್ಲಿ ಭಾರತ vs ಪಾಕಿಸ್ತಾನ :
ಭಾರತವು ವಿಶ್ವದ ಐದನೇ ಅತಿದೊಡ್ಡ ಮಿಲಿಟರಿ ಖರ್ಚು ಮಾಡುವ ರಾಷ್ಟ್ರವಾಗಿ ಉಳಿದಿದೆ, 2025 ರಲ್ಲಿ ರಕ್ಷಣಾ ವೆಚ್ಚವು $92.1 ಬಿಲಿಯನ್ ತಲುಪಿದೆ, ಇದು ಹಿಂದಿನ ವರ್ಷಕ್ಕಿಂತ 8.9% ಹೆಚ್ಚಾಗಿದೆ. ಮತ್ತೊಂದೆಡೆ, ಪಾಕಿಸ್ತಾನವು ವಿಶ್ವದ ಅಗ್ರ 15 ಮಿಲಿಟರಿ ಖರ್ಚು ಮಾಡುವವರಲ್ಲಿ ಸ್ಥಾನ ಪಡೆದಿಲ್ಲ.

2025ರ ಅವಧಿಯಲ್ಲಿ ಭಾರತವು ದೀರ್ಘ ವ್ಯಾಪ್ತಿಯ ಕ್ಷಿಪಣಿ ವ್ಯವಸ್ಥೆಗಳ ಅಭಿವೃದ್ಧಿಯನ್ನು ಮುಂದುವರಿಸಿದ್ದು, ವಿಶೇಷವಾಗಿ ಚೀನಾದ ದೂರದ ಗುರಿಗಳನ್ನು ತಲುಪುವ ಸಾಮರ್ಥ್ಯವನ್ನು ಹೆಚ್ಚಿಸುವತ್ತ ಗಮನಹರಿಸಿದೆ. ಜೊತೆಗೆ ಕ್ಷಿಪಣಿಗಳ ಚಲನಾ ಸಾಮರ್ಥ್ಯ, ರಹಸ್ಯ ಸಂರಕ್ಷಣೆ ಮತ್ತು ಸಮುದ್ರಾಧಾರಿತ ನಿಯೋಜನೆಯ ಮೂಲಕ ಅಣ್ವಸ್ತ್ರಗಳ ಬದುಕುಳಿಯುವ ಸಾಮರ್ಥ್ಯವನ್ನು ಸುಧಾರಿಸುವ ಪ್ರಯತ್ನಗಳನ್ನು ನಡೆಸುತ್ತಿದೆ.

MIRV ತಂತ್ರಜ್ಞಾನ ಅಭಿವೃದ್ಧಿ
ಭಾರತವು MIRV (Multiple Independently Targetable Re-entry Vehicle) ತಂತ್ರಜ್ಞಾನ ಅಭಿವೃದ್ಧಿಯಲ್ಲೂ ಮಹತ್ವದ ಪ್ರಗತಿ ಸಾಧಿಸಿದೆ. ಈ ತಂತ್ರಜ್ಞಾನವು ಒಂದೇ ಕ್ಷಿಪಣಿಯಲ್ಲಿ ಹಲವು ಅಣು ವಾರ್‌ಹೆಡ್‌ಗಳನ್ನು ಹೊತ್ತೊಯ್ಯಲು ಹಾಗೂ ವಿಭಿನ್ನ ಗುರಿಗಳನ್ನು ಒಂದೇ ವೇಳೆ ಹೊಡೆಯಲು ಅವಕಾಶ ನೀಡುತ್ತದೆ.

ಇದರ ಜೊತೆಗೆ ಭಾರತವು ಕ್ಯಾನಿಸ್ಟರೈಸ್ಡ್ ಕ್ಷಿಪಣಿ ವ್ಯವಸ್ಥೆಗಳತ್ತ ಸಾಗುತ್ತಿದೆ. ಈ ವ್ಯವಸ್ಥೆಯಲ್ಲಿ ಕ್ಷಿಪಣಿಗಳನ್ನು ಮುಚ್ಚಿದ ಕಂಟೇನರ್‌ಗಳಲ್ಲಿ ಸಂಗ್ರಹಿಸಿ ಉಡಾವಣೆ ಮಾಡಲಾಗುತ್ತದೆ. ಇದರಿಂದ ಕ್ಷಿಪಣಿಗಳ ಸುರಕ್ಷತೆ ಹೆಚ್ಚುವುದರ ಜೊತೆಗೆ ತ್ವರಿತ ಉಡಾವಣೆಗೂ ಅನುಕೂಲವಾಗುತ್ತದೆ.

⮞ ಸಮುದ್ರಾಧಾರಿತ ಅಣು ತಡೆ ಸಾಮರ್ಥ್ಯ :
ಭಾರತದ ಅಣು ತಡೆ ವ್ಯವಸ್ಥೆಯ ಮೂರನೇ ಪ್ರಮುಖ ಅಂಗವಾಗಿ ಅಣುಶಕ್ತಿಚಾಲಿತ ಬ್ಯಾಲಿಸ್ಟಿಕ್ ಕ್ಷಿಪಣಿ ಜಲಾಂತರ್ಗಾಮಿ ನೌಕೆ (SSBN) ಕಾರ್ಯನಿರ್ವಹಿಸುತ್ತಿದೆ. SIPRI ವರದಿ ಪ್ರಕಾರ, 2026ರ ಆರಂಭದ ವೇಳೆಗೆ ಭಾರತವು ತನ್ನ SSBN ಜಲಾಂತರ್ಗಾಮಿ ನೌಕೆಯಲ್ಲಿ ಸೀಮಿತ ಸಂಖ್ಯೆಯ ಅಣು ವಾರ್‌ಹೆಡ್‌ಗಳನ್ನು ನಿಯೋಜಿಸಿ ತಡೆಗಸ್ತು ಕಾರ್ಯಾಚರಣೆಗಳನ್ನು ಆರಂಭಿಸಿರಬಹುದು ಎಂದು ಅಂದಾಜಿಸಲಾಗಿದೆ.

ಭೂಮಿ, ವಾಯು ಮತ್ತು ಸಮುದ್ರ ಎಂಬ ಮೂರು ಹಂತಗಳ ಅಣು ವಿತರಣಾ ಸಾಮರ್ಥ್ಯವನ್ನು ಹೊಂದಿರುವುದರಿಂದ ಭಾರತವು ಸಂಪೂರ್ಣ ಅಣು ತ್ರಿಕೋನ (Nuclear Triad) ಸಾಮರ್ಥ್ಯ ಹೊಂದಿರುವ ರಾಷ್ಟ್ರಗಳ ಸಾಲಿನಲ್ಲಿ ಮುಂದುವರಿದಿದೆ.

⮞ ಪಾಕಿಸ್ತಾನದೊಂದಿಗೆ ಅಣು ಸ್ಪರ್ಧೆ :
ಭಾರತದ ಅಣು ಯೋಜನೆಗಳ ಮೇಲೆ ಪಾಕಿಸ್ತಾನದೊಂದಿಗಿನ ಭದ್ರತಾ ಸ್ಪರ್ಧೆಯೂ ಪ್ರಮುಖ ಪ್ರಭಾವ ಬೀರುತ್ತಿದೆ. 1990ರ ದಶಕದ ಅಂತ್ಯದಿಂದಲೂ ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳು ಅಣ್ವಸ್ತ್ರ ಹಾಗೂ ಬ್ಯಾಲಿಸ್ಟಿಕ್ ಕ್ಷಿಪಣಿ ಕಾರ್ಯಕ್ರಮಗಳನ್ನು ಅಭಿವೃದ್ಧಿಪಡಿಸುತ್ತಿವೆ.

2025ರ ಆರಂಭದಲ್ಲಿ ಉಭಯ ರಾಷ್ಟ್ರಗಳ ನಡುವೆ ಸೀಮಿತ ಸಶಸ್ತ್ರ ಸಂಘರ್ಷ ನಡೆದಿದ್ದರೂ, ಅಣು ಮಟ್ಟದ ಉದ್ವಿಗ್ನತೆ ಹೆಚ್ಚದಂತೆ ಎರಡೂ ದೇಶಗಳು ಎಚ್ಚರಿಕೆಯ ಕ್ರಮಗಳನ್ನು ಕೈಗೊಂಡಿದ್ದವು. ದಕ್ಷಿಣ ಏಷ್ಯಾದ ಭದ್ರತಾ ಅಧ್ಯಯನಗಳಲ್ಲಿ ಭಾರತ-ಪಾಕಿಸ್ತಾನ ಅಣು ಸಮೀಕರಣವು ಇನ್ನೂ ಪ್ರಮುಖ ಅಂಶವಾಗಿಯೇ ಉಳಿದಿದೆ.

⮞ ಜಾಗತಿಕ ಅಣ್ವಸ್ತ್ರ ಸಂಗ್ರಹ
SIPRI ಅಂದಾಜಿನ ಪ್ರಕಾರ, 2026ರ ಜನವರಿ ವೇಳೆಗೆ ವಿಶ್ವದ ಒಟ್ಟು ಅಣ್ವಸ್ತ್ರ ಸಂಗ್ರಹವು 12,187 ವಾರ್‌ಹೆಡ್‌ಗಳು ಆಗಿದ್ದು, ಅವುಗಳಲ್ಲಿ ಸುಮಾರು 9,745 ವಾರ್‌ಹೆಡ್‌ಗಳು ಸೈನಿಕ ಸಂಗ್ರಹಗಳಲ್ಲಿ ಇವೆ. ಜಗತ್ತಿನ ಒಂಬತ್ತು ಅಣ್ವಸ್ತ್ರ ರಾಷ್ಟ್ರಗಳಲ್ಲಿ United States, Russia, China, France, United Kingdom, India, Pakistan, Israel ಮತ್ತು North Korea ಸೇರಿವೆ.

⮞ ವಿಶ್ವದ ಎರಡನೇ ಅತಿದೊಡ್ಡ ಶಸ್ತ್ರಾಸ್ತ್ರ ಆಮದುದಾರ ರಾಷ್ಟ್ರ ಭಾರತ :
2021-25ರ ಅವಧಿಯಲ್ಲಿ ಭಾರತವು ವಿಶ್ವದ ಎರಡನೇ ಅತಿದೊಡ್ಡ ಶಸ್ತ್ರಾಸ್ತ್ರ ಆಮದುದಾರ ರಾಷ್ಟ್ರವಾಗಿ ಸ್ಥಾನ ಪಡೆದಿದ್ದು, ಜಾಗತಿಕ ಆಮದುಗಳಲ್ಲಿ ಶೇ. 8.2 ರಷ್ಟನ್ನು ಹೊಂದಿದೆ. ಪಾಕಿಸ್ತಾನವು ಜಾಗತಿಕವಾಗಿ 5 ನೇ ಸ್ಥಾನದಲ್ಲಿದೆ (4.2%). ಈ ಅವಧಿಯಲ್ಲಿ ಪಾಕಿಸ್ತಾನಕ್ಕೆ ಹೋಲಿಸಿದರೆ ಭಾರತವು ಸುಮಾರು ಎರಡು ಪಟ್ಟು ಪ್ರಮುಖ ಶಸ್ತ್ರಾಸ್ತ್ರಗಳನ್ನು ಆಮದು ಮಾಡಿಕೊಂಡಿದೆ.

2026ರ ಪರಮಾಣು ವಾರ್ಹೆಡ್‌ಗಳ ಅಂದಾಜು ಸಂಖ್ಯೆ

• ಅಂಡಮಾನ್-ನಿಕೋಬಾರ್ ದ್ವೀಪಗಳಲ್ಲಿ ದೇಶದಲ್ಲೇ ಅತಿ ಕಡಿಮೆ ಸಂತಾನೋತ್ಪತ್ತಿ ದರ(Fertility Rate) ದಾಖಲು
• ಭಾರತದ ಪರಮಾಣು ಶಕ್ತಿ ಮತ್ತಷ್ಟು ಬಲಿಷ್ಠ : ಅಣ್ವಸ್ತ್ರ ಸಂಗ್ರಹ 190ಕ್ಕೆ ಏರಿಕೆ
• ಜಾಗತಿಕ ಬಿಕ್ಕಟ್ಟಿನ ನಡುವೆಯೂ ಭಾರತದಲ್ಲಿ ಸುಭದ್ರ ಆರ್ಥಿಕತೆ : FY26 ರಲ್ಲಿ 7.7% GDP ದಾಖಲು
• ಪ್ರಚಲಿತ ಘಟನೆಗಳ ಕ್ವಿಜ್ (08-06-2026)
• ಪ್ರಚಲಿತ ಘಟನೆಗಳ ಕ್ವಿಜ್ (07-06-2026)