11 ವರ್ಷಗಳನ್ನು ಪೂರೈಸಿದ ಮೂರು ಮಹತ್ವದ ಜನ ಸುರಕ್ಷಾ ಯೋಜನೆಗಳು

May 9, 2026

Share With Friends

ಸರ್ಕಾರದ ಮೂರು ಪ್ರಮುಖ ಜನ ಸುರಕ್ಷಾ ಯೋಜನೆಗಳಾದ – ಪ್ರಧಾನ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ (PMJJBY), ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ (PMSBY-Pradhan Mantri Jeevan Jyoti Bima Yojana ), ಮತ್ತು ಅಟಲ್ ಪಿಂಚಣಿ ಯೋಜನೆ (APY-Atal Pension Yojana) – 11 ವರ್ಷಗಳನ್ನು ಪೂರೈಸಿವೆ. ಮೇ 9, 2015 ರಂದು ಪ್ರಾರಂಭಿಸಲಾದ ಈ ಯೋಜನೆಗಳನ್ನು ಲಕ್ಷಾಂತರ ಭಾರತೀಯರಿಗೆ, ವಿಶೇಷವಾಗಿ ಕಡಿಮೆ ಆದಾಯದ ಮತ್ತು ಅಸಂಘಟಿತ ವಲಯಗಳ ಜನರಿಗೆ ಕೈಗೆಟುಕುವ ವಿಮೆ ಮತ್ತು ಪಿಂಚಣಿ ವ್ಯಾಪ್ತಿಯನ್ನು ಒದಗಿಸಲು ಪರಿಚಯಿಸಲಾಯಿತು.

PMJJBY ಎಂದರೇನು..?
ಪ್ರಧಾನ ಮಂತ್ರಿ ಜೀವನ ಜ್ಯೋತಿ ಬಿಮಾ ಯೋಜನೆಯು ಕಡಿಮೆ ವೆಚ್ಚದ ಜೀವ ವಿಮಾ ಯೋಜನೆಯಾಗಿದ್ದು, ಯಾವುದೇ ಕಾರಣದಿಂದಾಗಿ ಮರಣ ಹೊಂದಿದಲ್ಲಿ ರಕ್ಷಣೆ ನೀಡುತ್ತದೆ. ಈ ಯೋಜನೆಯು ₹436 ವಾರ್ಷಿಕ ಪ್ರೀಮಿಯಂನಲ್ಲಿ ₹2 ಲಕ್ಷ ವಿಮಾ ರಕ್ಷಣೆಯನ್ನು ನೀಡುತ್ತದೆ. ಇದು ಬ್ಯಾಂಕ್ ಅಥವಾ ಅಂಚೆ ಕಚೇರಿ ಖಾತೆಗಳನ್ನು ಹೊಂದಿರುವ 18 ರಿಂದ 50 ವರ್ಷ ವಯಸ್ಸಿನ ವ್ಯಕ್ತಿಗಳಿಗೆ ಲಭ್ಯವಿದೆ.

ಭಾರತ ಸರ್ಕಾರದ ಪ್ರಮುಖ ಸಾಮಾಜಿಕ ಭದ್ರತಾ ಯೋಜನೆಗಳಲ್ಲಿ ಒಂದಾದ ಪ್ರಧಾನಮಂತ್ರಿ ಜೀವ ಜ್ಯೋತಿ ವಿಮಾ ಯೋಜನೆ (PMJJBY -Pradhan Mantri Jeeva Jyoti Bima Yojana) ಕಡಿಮೆ ಪ್ರೀಮಿಯಂನಲ್ಲಿ ಜನರಿಗೆ ಜೀವ ವಿಮಾ ರಕ್ಷಣೆ ನೀಡುತ್ತಿರುವ ಪ್ರಮುಖ ಯೋಜನೆಯಾಗಿ ಮುಂದುವರಿಯುತ್ತಿದೆ.

ಈ ಯೋಜನೆಯಡಿ ಕೇವಲ ₹436 ವಾರ್ಷಿಕ ಪ್ರೀಮಿಯಂ ಪಾವತಿಸಿ, ಬ್ಯಾಂಕ್ ಖಾತೆ ಹೊಂದಿರುವ 18 ರಿಂದ 50 ವರ್ಷದವರು ನೋಂದಾಯಿಸಿಕೊಳ್ಳಬಹುದು. ಯೋಜನೆಯಡಿಯಲ್ಲಿ ವಿಮಾಧಾರಕರಿಗೆ ₹2 ಲಕ್ಷ ಜೀವ ವಿಮಾ ಕವಚ ಒದಗಿಸಲಾಗುತ್ತದೆ. ಸಹಜ ಮರಣವಾಗಲಿ ಅಥವಾ ಅಪಘಾತ ಮರಣವಾಗಲಿ, ನಾಮಿನಿಗೆ ಈ ಮೊತ್ತ ನೀಡಲಾಗುತ್ತದೆ.

ಆರ್ಥಿಕವಾಗಿ ದುರ್ಬಲ ವರ್ಗದ ಕುಟುಂಬಗಳಿಗೆ ಭದ್ರತೆ ನೀಡುವ ಉದ್ದೇಶದಿಂದ ಆರಂಭಿಸಲಾದ ಈ ಯೋಜನೆ, ದೇಶಾದ್ಯಂತ ಲಕ್ಷಾಂತರ ಜನರನ್ನು ಒಳಗೊಂಡಿದೆ. ಸರ್ಕಾರದ ಪ್ರಕಾರ, ಇದು ಸಾಮಾಜಿಕ ಭದ್ರತಾ ಜಾಲವನ್ನು ಬಲಪಡಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ. ಕಡಿಮೆ ವೆಚ್ಚದಲ್ಲಿ ಜೀವ ವಿಮಾ ಸೌಲಭ್ಯ ನೀಡುವ ಮೂಲಕ PMJJBY ದೇಶದ ಜನರಿಗೆ ಆರ್ಥಿಕ ಸುರಕ್ಷತೆ ಒದಗಿಸುತ್ತಿದೆ.

PMSBY ಎಂದರೇನು?
ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆಯು ಆಕಸ್ಮಿಕ ಮರಣ ಮತ್ತು ಅಂಗವೈಕಲ್ಯ ವಿಮಾ ರಕ್ಷಣೆಯನ್ನು ಒದಗಿಸುತ್ತದೆ. ಈ ಯೋಜನೆಯು ವರ್ಷಕ್ಕೆ ಕೇವಲ ₹20 ಪ್ರೀಮಿಯಂನಲ್ಲಿ ₹2 ಲಕ್ಷದವರೆಗೆ ವ್ಯಾಪ್ತಿಯನ್ನು ನೀಡುತ್ತದೆ. ಈ ಯೋಜನೆಯು 18 ರಿಂದ 70 ವರ್ಷ ವಯಸ್ಸಿನ ವ್ಯಕ್ತಿಗಳಿಗೆ ಲಭ್ಯವಿದೆ. ಕೇಂದ್ರ ಸರ್ಕಾರದ ಮಹತ್ವದ ಸಾಮಾಜಿಕ ಭದ್ರತಾ ಯೋಜನೆಯಾದ Pradhan Mantri Suraksha Bima Yojana (PMSBY) ಕಡಿಮೆ ಪ್ರೀಮಿಯಂನಲ್ಲಿ ಜನರಿಗೆ ಅಪಘಾತ ವಿಮಾ ರಕ್ಷಣೆ ನೀಡುತ್ತಿರುವ ಪ್ರಮುಖ ಯೋಜನೆಯಾಗಿದೆ. ಈ ಯೋಜನೆಯಡಿ ಕೇವಲ ವಾರ್ಷಿಕ ₹20 ಪ್ರೀಮಿಯಂ ಪಾವತಿಸಿ ಬ್ಯಾಂಕ್ ಖಾತೆದಾರರು ವಿಮಾ ಸೌಲಭ್ಯ ಪಡೆಯಬಹುದು. ಅಪಘಾತದಿಂದ ಮರಣ ಅಥವಾ ಸಂಪೂರ್ಣ ಅಂಗವೈಕಲ್ಯ ಸಂಭವಿಸಿದರೆ ₹2 ಲಕ್ಷ ಪರಿಹಾರ ಹಾಗೂ ಭಾಗಶಃ ಅಂಗವೈಕಲ್ಯಕ್ಕೆ ₹1 ಲಕ್ಷ ಪರಿಹಾರ ನೀಡಲಾಗುತ್ತದೆ.

18 ರಿಂದ 70 ವರ್ಷದೊಳಗಿನ ಬ್ಯಾಂಕ್ ಖಾತೆದಾರರು ಈ ಯೋಜನೆಗೆ ಅರ್ಜಿ ಸಲ್ಲಿಸಬಹುದು. ಸರ್ಕಾರದ ಉದ್ದೇಶ, ದೇಶದ ಎಲ್ಲ ವರ್ಗದ ಜನರಿಗೆ ಕಡಿಮೆ ವೆಚ್ಚದಲ್ಲಿ ಆರ್ಥಿಕ ಸುರಕ್ಷೆ ಒದಗಿಸುವುದು ಮತ್ತು ಅಪಘಾತ ಸಂದರ್ಭಗಳಲ್ಲಿ ಕುಟುಂಬದ ಆರ್ಥಿಕ ಭಾರವನ್ನು ಕಡಿಮೆ ಮಾಡುವುದು ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ : ಕೇಂದ್ರ ಸರ್ಕಾರದ ಪ್ರಮುಖ ಯೋಜನೆಗಳ ಪಟ್ಟಿ (Central Government Schemes)

ಅಟಲ್ ಪಿಂಚಣಿ ಯೋಜನೆ (APY)
ಅಟಲ್ ಪಿಂಚಣಿ ಯೋಜನೆ (Atal Pension Yojana) ಭಾರತ ಸರ್ಕಾರದ ಸಾಮಾಜಿಕ ಭದ್ರತಾ ಯೋಜನೆಯಾಗಿದ್ದು, ಮುಖ್ಯವಾಗಿ ಅಸಂಘಟಿತ ವಲಯದ ಕಾರ್ಮಿಕರಿಗೆ ನಿವೃತ್ತಿ ನಂತರ ನಿಶ್ಚಿತ ಪಿಂಚಣಿ ಒದಗಿಸಲು ಆರಂಭಿಸಲಾಗಿದೆ. ಈ ಯೋಜನೆಯನ್ನು 2015ರಲ್ಲಿ ಪ್ರಾರಂಭಿಸಲಾಯಿತು.

ಈ ಯೋಜನೆಯಡಿ 18 ರಿಂದ 40 ವರ್ಷದೊಳಗಿನ ನಾಗರಿಕರು ಸೇರಬಹುದು ಮತ್ತು ಅವರು ಆಯ್ಕೆಮಾಡುವ ಕೊಡುಗೆ ಆಧಾರದಲ್ಲಿ 60 ವರ್ಷದ ನಂತರ ಮಾಸಿಕ ₹1,000 ರಿಂದ ₹5,000 ವರೆಗೆ ಖಚಿತ ಪಿಂಚಣಿ ಪಡೆಯುತ್ತಾರೆ. ಪಿಂಚಣಿ ಮೊತ್ತವು ಅವರ ಹೂಡಿಕೆ ಮತ್ತು ವಯಸ್ಸಿನ ಮೇಲೆ ಅವಲಂಬಿತವಾಗಿರುತ್ತದೆ.

ಈ ಯೋಜನೆಯನ್ನು Pension Fund Regulatory and Development Authority (PFRDA) ನಿರ್ವಹಿಸುತ್ತದೆ ಮತ್ತು ಬ್ಯಾಂಕುಗಳು ಹಾಗೂ ಪೋಸ್ಟ್ ಆಫೀಸ್‌ಗಳ ಮೂಲಕ ನೋಂದಣಿ ಮಾಡಬಹುದು. ಈ ಯೋಜನೆಯ ಪ್ರಮುಖ ಉದ್ದೇಶವು ಹಿರಿಯ ನಾಗರಿಕರಿಗೆ ಆರ್ಥಿಕ ಭದ್ರತೆ ಒದಗಿಸುವುದಾಗಿದೆ.

#JanSurakshaSchemes

ಇದನ್ನೂ ಓದಿ : ಭಾರತದಲ್ಲಿ ‘ಡಿಜಿಟಲ್ ಕ್ರಾಂತಿ’ ಮಾಡಿದ ಜನಧನ್ ಯೋಜನೆ (Jan Dhan Yojana) । EXPLANATION